Kidkiddawen ti Commission on Higher Education (CHED) iti Kongreso a maisubli ti P34.83-billion a funding gap iti insingasingda a pondo manipud iti 2027 nationa budget.
Daytoy ti apela ni CHED Commissioner Shirley Agrupis kabayatan ti House Committee on Appropriations’ budget hearing bayat nga agtultuloy ti deliberasion ti Kongreso iti naisingasing a 2027 National Expenditure Program (NEP).
Immuna nga insingasing ti CHED ti P70.283-billion budget para iti fiscal year 2027 ngem, P35.453 billion laeng ti naaprobaran.
Ti nasao nga addang ket binabalaw ti Alliance of Concerned Teachers (ACT) Philippines.
Nagballag pay ni Agrupis a ti saan a pannakaisubli ti funding gap ket mabalin a mangapektar iti abilidad ti ahensia a mangsustiner kadagiti agdama a panagkumit ken ti pannakaipatungpal dagiti naiplano a reporma.
