Nangiruar ti CHED iti show cause order kontra iti Ateneo de Manila University gapu iti mapapati a pannakapaay a mangisubmitir iti incident report ken dadduma pay a dokumento seknan iti ipupusay iti student-athletes a da Rene Baterbonia ken Divine Adili.
Impaayan iti CHED ti unibersidad iti 10 nga aldaw tapno ilawlawagna no apay a saan a madusa gapu iti posible a panaglabsing kadagiti pagalagadan iti off-campus activities ken kinakurang iti panangimaton kadagiti estudiante.
Pimmusay da Baterbonia ken Adili iti pannakalnedda bayat nga adda dagitoy iti team-building activity idiay Dipaculao, Aurora.
Mainaig iti daytoy, simmango iti National Bureau of Investigation ni sigud nga Ateneo coach Tab Baldwin, a naglusulos kadua ti sigud a team manager a ni Epok Quimpo.
