Nakasangpeten ti bangkay ti Ateneo student-athlete a ni Divine Adili idiay United Arab Emirates ken maibyahe matten daytoy paturong iti pagilian daytoy a Nigeria no sadino agururay dagiti ayayatenna iti biyag.
Inwaragawag daytoy ti Atene de Manila University ita nga aldaw.
Innayon pay ti nasao nga unibersidad nga apaman a makasangpet daytoy iti nasao a pagilian, sabaten daytoy dagiti sumagmamano a representatives manipud Ateneo de Manila University nga immuna iti nasao a pagilian, Nigerian Ministry of Foreign Affairs sakbay a maitulod daytoy kadagiti pamilya, gagayem, ken ayayatenna iti biyag.
Maipalagip a nangrugi ti repatriation ti bangkay ni Adili idi Hunyo 22 kalpasan iti public wake daytoy idiay Arlington Memorial Chapels idiay Quezon City.//bombokaren.c.sapirao
