Maisagsagana itan dagiti kasapulan para iti pannakarepatriate idiay Nigeria ti bangkay ti Ateneo student-athlete a ni Divine Adili, dua a lawas kalpasan iti ipupusayna kadua ti teammate na a ni Rene Baterbonia iti maysa a team building idiay Aurora.
Sigun iti Ateneo de Manila University, mannarimaan ti koordinasyonda iti pamilya ni Adili ken kadagiti maseknan nga ahensya tapno marepatriaten ti bagi ni Adili idiay Nigeria kas kiddaw ti pamilyana.
Maysa ni Fr. Munching De Guzman, manipud Society of Jesus (SJ) kadagiti kumadwa iti panangitulod iti bangkay daytoy.
Mannarimaan meten ti panangasikasoda kadagiti proseso ti repatriation daytoy.
Kabayatanna, naipatungpalen ti public wake ken candle-light service para kenni Adili. Nakipagrikna met ti Embahada ti Nigeria idiay Manila iti pamilya ken ayayatenna iti biyag. //
