--Ads--
Imbilin ti Sandiganbayan ti pannakakumpiskar ti agarup 16 a sanikua ni sigud a House appropriations panel chairperson Zaldy Co.
Mainaig paylaeng daytoy iti kaso a sangsangwenna seknan iti substandard flood control project sadiay Oriental Mindoro.
Panggep ti nasao nga addang a maseguro ti potential payment ti P215 million a civil liability no makonbiktar ni Co gapu iti kaso a sangsangwen daytoy.
Naipaulog ti pammilin kalpasan nga impaay ti korte ti Ex-Parte Motion for Issuance of Writ of Preliminary Attachment dagiti piskal ti gobierno kontra kada Co ken ti asawana a ni Mylene.
Iti nasao a pammilin, inlawlawag ti korte a ti pannakasamsam ket autorisado babaen ti Rule 127 ti Rules of Court on Provisional Remedies in Criminal Cases.
