Idagdagadag ti senado iti Toll Regulatory Board (TRB), tapno siguraduen dagiti operators dagiti kangrunaan a toll roads iti pagilian dagiti serbisyoda sakbay a maaprobaran ken maimplementar ti pannakaipangato ti rates wenno mabayadan.
Gapu iti dayta, impaganetget ni Senador Sherwin Gatchalian nga aniaman a rate adjustment ket rumbeng nga ipatarus iti nangatngato a service standards ken nasaysayaat a kapadasan para kadagiti motorista.
Kinunana a nasken a tarimaanen dagiti operators dagiti nadadael a cashless system dagitoy kasta met a mangimplementar dagitoy iti programa tapno makissayan ti nairut a gunay iti trapiko.
Maipalagip nga itay nabiit ket inaprobaran ti Toll Regulatory Board (TRB), ti panagkolektar iti second tranche para iti kanayuna a bayad para iti North Luzon Expressway (NLEX), no sadino manamnama nga ag-epektibo daytoy inton bigat June 4,2024.
