Inwaragawag ni Interior Secretary Jonvic Remulla a kayat ni President Ferdinand Marcos Jr. a maarestar ni sigud a Congressman Zaldy Co, anyaman ti mapasamak.
Sigun kenni Remulla, ammoda ti lokasyon ni Co, ti address ken ti pagtaengan daytoy.
Impeksa ti opisial a ti agenda dagitoy ket ti pannakaisubli ni Co iti pagilian.
Kabayatanna, patien ni Remulla a maisubli ni Co ken posible a maarestar iti las-ud ti dua a lawas.
Namnamaen metlaeng ni Remulla nga ipaulog ti Interpol ti red notice kontra kenni Co.
Maipalagip a naakosaran ni Co kas mastermind iti likudan ti multi-billion flood control scam.
Likliklikanna dagiti autoridad iti Pilipinas sipud paylaeng idi 2025.
Naituding nga agturong ni Remulla sadiay France tapno maisubli iti pagilian ti pugante a ni Co.
