![](https://img.bomboradyo.com/baguio/2024/05/spaghetti-wires.jpg)
Isaksakad ti maysa a kongresista ti pannakaipaay ti kaskenan a pannusa kadagiti indibidual wenno kompanya a mangbaybay-an kadagiti “spaghetti wires” wenno nakalaylay a kuryente kadagiti nagduduma a paset ti pagilian.
Maibasar iti House Bill No. 10427 wenno ti proposed “Anti-Dangling Wires Act of 2024 nga impila ni Representative Salvador Pleyto Sr., dagiti public utility providers ti responsable a mangitali wenno mangiyurnos a nasayaat kadagiti kable tapno saan a mangitunda daytoy iti aksidente.
Iti kanito a maipasa daytoy a gakat ket mabalin a masuspendir wenno makanselar ti permit dagitoy nga impaulog ti lokal a gobyerno.
Sigun kenni Pleyto, ti presensiya dagiti non-operation overhead cable TV ken telephone wires a nakalaylay kadagiti poste, kayo ken kadagiti nangangato a pasdek ket nagbalin a parikut gapu iti aksidente a posible nga itunda dagitoy.