Ibilbilang ni veteran litigator Atty. Lorna Kapunan a “payback time” wenno panagsubli iti serbisyo publiko ti pannakipasetna kas masya a private prosecutors iti maangay nga impeachment trial ni Vice President Sara Duterte.
Idaulwan ni Atty. Kapunan dagiti sangapulo a de-kalibre a private prosecutors manipud iti tallo a dadakkel a law firm iti pagilian.
Nagboluntaryo ti grupo ni Atty. Kapunan nga awanan ti bayad tapno igiya ken mapapigsa ti house prosecution panel.
Manamnama ti pormal a panagparang dagiti umuna a batch dagiti pribado nga abogado iti Senate impeachment court, kagiddan ti panangipila ti House prosecution panel ti pre-trial brief daytoy inton Hunio 15, 2026.
Maipalagip nga immuna nga imparang ti House Prosecution Panel idi June 11, 2026 dagiti umana a batch ti beterano a private prosecutors a katulungan dagitoy para iti umadani nga impeachment trial ti bise presidente.
Sigun kenni House Committee on Justice Chairperson ken lead prosecutor Gerville “Jinky Bitrics” Luistro, buklen daytoy dagiti nalatak a litigator, sigud nga opisial ti gobierno, ken legal academic a boluntaryo nga agserbi nga awanan bayad.
