BAGUIO CITY – Agtultuloy ti panagsanay ni Para Acher Agustina Bantiloc kas panagsagana iti mapadpadaanan a Paralympic Paris Games 2024.
Iti interview ti Bombo Radyo kenkuana, tututokan daytoy ti coachna nga agsanay ditoy siudad ti Baguio.
Sigun kenni Bantiloc, panggepda a maartapan ti rekordna iti Asian Games rason nga ar-aramidenda ti nainget a panagsanay partikular ti quality shooting.
Kinunana nga adda ti improvement iti panagsanay daytoy.
Innayona a naipaay amin dagiti kasapulan dagitoy a makatulong iti panagsanayda tapno magun-od ti panggepda.
Impettengna a kasapulan a tulongan metlaeg ti bagi tapno maaramat metlaeng dagiti impaayda a kasapulan iti panag-ensayo ngen awan ti pagbabawian iti udi-na.
Kabayatanna, namnamaen dagitoy a makaiyawidda ti medalya para iti pagilian a Pilipinas.
Iti sabali a bangir, aw-awisen met ni Bantiloc dagiti pada-da nga addaan ti espesyal a kasasaad nga adu nga ay-ayam ti mabalin a pakipasetanda nangruna kadagiti mangayat a sumrek iti tay-ak ti ay-ayam.
