BAGUIO CITY – Saan pay a maituloy ti tourist attraction a paragliding activity Lepanto Airstrip, Mankayan, Benguet.
Sigun ken Mankayan Mayor Frenzel Ayong, saanda pay nga ituloy ti assesment ti nasao nga aktibidad gapu iti ngimmatuan ti kaso iti COVID-19 sadiay Mankayan.
Kinunana a nagturungen sadiay dagiti paragliding experts tapnu obserbaranda iti pakaisayangkatan ti aktibidad kasta metten ti panangipadasda iti paramotor wenno paragliding motor tapnu maammuan ti kaadayo ti madanunda manipod iti starting point dagitoy sadiay Lepanto airstrip.
Nupay kasta, saan a natuloy ti nasao a panggep gapu ta naipasidongda iti lockdown idi Sabado kalpasan a ngimmato ti kaso ti COVID-19.
Inyunay-unayna a saanda nga ituloy ti paragliding activity agingga a saan a masoluyunan ti COVID-19.
