![](https://img.bomboradyo.com/baguio/2024/07/DEPED-CAR.jpg)
BAGUIO CITY – Dumanon iti 168 a bilang ti partially-damaged classrooms iti rehiyon Cordillera gapu iti panagdalapos ti bagyo a Carina ken Habagat.
Maibasar iti inisyal a datus ti Department of Education – Cordillera idi kalman, nairekord ti 68 partially-damaged school idiay Abra, 21 idiay Benguet, 18 idiay Mt. Province, 13 iti Baguio City, 12 idiay Tabuk City, 10 idiay Kalinga, 6 idiay Apayao ken 3 idiay Ifugao.
Iti interview ti Bombo Radyo kenni Cyrille Gaye Miranda, panakangiwat ti Department of Education – Cordillera, impasigurado ti School Divison Superintendent ken School Heads a maipatungpal ti kaskenan nga addang para iti full opening ti klase iti baet ti nairekord a panakadadael dagiti pagadalan.
Malaksid iti dayta, maipatungpal ti 100% face-to-face classes idiay Abra; Apayao, Ifugao, Kainga, ken Mt. Province.
Iti Baguio City, maipatungpal ti face-to-face classes iti amin a pagadalan malaksid iti Quezon Hill Elementary School a mangipatungpal ti alternative delivery mode gapu iti manarimaan a panakatarimaan dagiti classrooms dagitoy.
Iti probinsiya ti Benguet, mailaksid ti Abucot Integrated School gapu iti accessibility issues nga intunda ti bagyo a Carina.
Iti Tabuk City, mangipatungpal ti Tabuk City National High School ken Dilag Integrated School ti alternative delivery mode gapu iti tribal war.
Iti Tabuk City National High School, naapektaran ti tallo pulo ket tallo a learners bayat a tallo pulo ket walo a learners iti Dilag Integrated School.