Binabalaw ti Partido Demokratiko Pilipino (PDP) ti mannarimaan nga administrasyon gapu iti agtultuloy a koordinasyonda iti nasao a korte iti baet ti panaglusolos ti pagilian a Pilipinas iti Rome Statue.
Impetteng pay ti nasao a partido a kasapulan nga istriktoannen ti gobyerno ti bukodna a hurisdiksyon ken saan a maipalubos a maapektaran ti dignidad ti Pilipinas kas nawaya a pagilian.
Binabalaw pay ti Partido Demokratiko Pilipino (PDP) ti sayangguseng nga arrest warrant kontra kenni Senator Bato Dela Rosa manipud International Criminal Court.
Sigun kenni PDP Vice National Spokesperson Ferdinand Topacio, maysa a insulto iti soberanya ti Pilipinas nu kasbilang maipaulog ti arrest warrant kontra iti senador.
Innayon pay daytoy a saanen kuman a maulit manen ti inawaganda a panangtraydor a kas iti napasamak kenni sigud a president Rodrigo Duterte.
Impettengda pay nga inbutos ti milyon a Pilipino ni Sen. Bato Dela Rosa ken rumbeng laeng a maikan ti kinapaeg ti karbengan daytoy ken ti due process.
Sigun iti PDP, siguradoenda nga aramatenda amin a legal a pamay-an tapno depensaanda ni Senator Dela Rosa ken asinoman a Pilipino kontra iti inawaganda a panangpulitika ken panang-abuso. //bombokaren.c.s
