BAGUIO CITY – Sumaysayaat ti partisipasion dagiti umili ditoy siudad ti Baguio kadagiti maipatpatungpal nga earthquake drill.
Sigun ken ni Louie Glen Lardizabal, Local Disaster Risk Reduction and management Officer III ti siudad, naobsebaran daytoy kabayatan ti nationwide simultaneous earthquake drill idi naminsan.
Kinunana a nupay saan a mapakadaan ti gingined ngem makita iti tignay dagiti residente a nakasagana dagitoy no adda man ti sumangbay a kalamidad.
Impannakkel ni Lardizabal nga addan ti response ken preparedness mechanism ti siudad no maipapan iti gingined.
Mainaig iti daytoy ket kinuna ti opisial nga awan ti mairekrekomendar nga evacuation center iti panawen ti gingined.
Inlawlawagna a daytoy ket gapu ta dagiti open spaces ti nasken a pagturongan dagiti tattao no mapasaran ti gingined.
