Ammoyo kadi mga kabombo nga adda ti maysa a proyekto a nasurok sangagasut a tawinen ti naglabas ket saan pay a nalpas?
Dayta ti Basilica Dela Sagrada Familia a nairugi a maaramid idi 1882 nga dinisenyo ti architect a ni Antoni Gaudí.
Gapu iti kinakomplikado dagiti detalye ken disenyo ti pasdek, saanen a naimatangan pay ni Gaudí ti pakabuklan a buyana gapu ta pimmusay daytoyen. Ngem kaspangarigan sibibiag pay ni Gaudí iti agdama, saanna latta pay a makita ti pinal a buya ti Basilica Dela Sagrada Familia gapu ta manarimaan pay latta ti panakaaramid daytoy nu sadino ti central tower daytoy a Jesus Christ ket naituding a makompleto into paylaeng 2026.
Ti Basilica Dela Sagrada Familia ket addaan ti 18 a dadakkel nga spindle-shaped tower a mangisimsimbolo kadagiti biblical figures pakairamanan dagiti dose nga Apostles, dagiti uppat nga evangelists, ni Virgin Mary, ken ni Jesus Christ.
Iti daya a paset daytoy ket maawagan kas Nativity facade; ti laud a paset daytoy ket ti Passion facade; ken ti main entrance daytoy ket maawagan nga Glory facade. Tunggal facade ket addaan ti sag-uppat a bell tower.
Iti baet a saan pay nalpas ti Basilica Dela Sagrada Familia, naideklara daytoy kas UNESCO World Heritage site idi 1984, ken indesignar ni Pope Benedict XVI kas minor basilica.
Ti nasao a pasdek ket masarakan idiay Barcelona, Spain.
