--Ads--
Nauram ti dua a bunton ti Chocolate Hills, itay nabiit sadiay Bohol iti tengnga ti kinabara ti panawen iti pagilian.
Maibasar iti report ti Bureau of Fire Protection iti nasao a lugar, posible a ti nakaro a kinabara ti panawen iti intero a Visayas ti rason iti panakauram ti sumagmamano a paset ti Chocolate Hills.
Sigun kenni Bohol Disaster Risk Reduction and Management Council head Anthony Damalerio, nadadael ti sugmamano a kayo, bulbulong ken sanga kadagiti nauram a paset daytoy.
Nupay kasta, awan ti nadangran nga indibidual ken naapektaran a residensial area, gapu iti nasao nga insidente.
