Nu mabalin nga agpositibo ti maysa a tao iti iligal a droga, mabalin met dagiti ayop.
Mga kabombo ammoyo kadi a sangapulo ket tallo nga sharks wenno pating idiay Brazil ti naduktalan dagiti Marine Biologists a positibo iti high levels ti cocaine kadagiti bagbagida?
Daytoy ti umuna a kaso nga adda ti naduktalan a presensya ti cocaine kadagiti nasao a klase ti ayop babaen iti panagadal nga inyuswat ti Oswaldo Cruz Foundation.
Patchen met dagiti eksperto nga agtataud dagiti droga kadagiti iligal a laboratoryo a pakaar-aramidan dagiti dagitoy, kasta metten manipod kadagiti rugit dagiti drug users.
Makitkita metlaeng a mababalin nga agtataud daytoy kadagiti ibelbelleng dagiti drug traffickers a cocaine kadagiti baybay wenno taaw.
Nupay maad-adal paylaeng ti epekto ti cocaine iti bagi dagiti nasao a klase ti ayop, immunan a naduktalan babaen metlaeng iti panagadal nga addaan ti kapada nga epekto dagiti iligal a droga iti bagi ti tao ken kadagiti ayop.
