Inyunay-unay ni Presidente Ferdinand “Bongbong” Marcos Jr. a saan a pulos nga umatras iti panangidepensana iti teritorio ti Pilipinas.
Sigun kenkuana, rumbeng laeng a magunggonaan dagiti Pilipino iti gameng ti pagilian.
Itay laeng nabiit, nangisayangkat gamin ti dua a barko ti China a Chinese People’s Liberation Army Navy (PLAN) ken China Coast Guard (CCG) iti agresibo ken saan a natalged a panagmaniobra kontra kadagiti barko ti Pilipinas nga asideg iti Bajo de Masinloc, sigun iti Armed Forces of the Philippines (AFP).
Mangisaysayangkat ti barko ti Philippine Navy a BRP Emilio Jacinto iti routine ken maritime patrol operations kas suporta ti Bureau of Fisheries and Aquatic Resources (BFAR) ken ti Philippine Coast Guard (PCG) idi Mayo 5 idi kellaat a nangisayangkat ti agresibo a tignay ti People’s Liberation Army Navy Jiangkai II-class frigates nga addaan iti bow numbers 554 ken 573 ken CCG vessel 5403.
