Naituding a sarabuen ni President Ferdinand “Bongbong” Marcos Jr. ni Palau President Surangel Whipps Jr.iti Pilipinas para iti opisial a panagbisitana ita a lawas.
Sigun iti Presidential Communications Office, ni Whipps ket adda iti Pilipinas inton Pebrero baente tres agingga baente kuatro iti agdama a tawen.
Bayat ti panagtaripnong ti dua a dadaulo, manamnama nga agsinnukatda ti kapanunutan maipapan iti pannakapalawa ti agdama a bilateral cooperation iti fisheries, trade, investment, connectivity ken people-to-people ties.
Posible pay a talantanenda ti maipapan iti sektor ti salun-at ken panagtrabaho.
Sigun iti PCO, dandani 3,000 a Pilipino nga agnanaed ken mangmangged idiay Palau, a buklen iti dandani 17% iti populasion ti Palau.
Inton tawen 2027, rambakan ti dua a pagilian ti maika-tallo pulo nga anibersario ti pannakaipasdek ti diplomatiko a relasionda
