--Ads--
Inyebkas ni President Ferdinand Marcos Jr. ti panakipagladingitna iti gobierno ti India ken ti pamilia dagiti pimmusay iti natnag nga eroplano ti Air India a paturong idiay London sumagmamano a minutos kalpasan a timmayab manipod iti makindaya a siudad ti India.
Sigun iti presidente, nalaos ti panakipagladingit dagiti Pilipino iti nakalkaldaang a pannakaidungpar ti Air India Flight AI-171 sadiay Ahmedabad.
Kararagna a sapay koma ta malagip dagiti biktima nga addan ti dignidad ken sapay koma a ti agtultuloy a panagregget iti napasamak a trahedia ket mangipaay iti liwliwa ken lawag kadagiti nabati dagiti pimmusay a pamiliada.
