Pinirmaanen ni President Ferdinand ”Bongbong” Marcos Jr. ti maysa a wagas a mangbalbaliw iti binnulan a benepisio dagiti retirado a kameng iti Department of Foreign Affairs.
Ti Republic Act No. 121811, wenno ti Adjusted Department of Foreign Affairs Retirement Benefits Act, ket maiyaplikar kadagiti retirado nga opisial ken empleado ti Department of Foreign Affairs nga umaw-awat iti binnulan a pension manipud iti Government Service Insurance System (GSIS) ken dagiti nangpili nga agretiro iti sidong ti Republic Act No. 1616 la ketdi dagitoy ket maysa nga umili a Pilipino, nakadanon iti tawen a 65, ken nagserbi iti nasao nga ahensia iti 15 a tawen iti tiempo ti panagretiroda.
Nakalanad metlaeng iti linteg nga amin a dadduma pay nga opisial ken empleado ti DFA a nagretiro ngem saanda a naragpat ti amin a nadakamat a kualipikasion ket masakupan dagiti maipakat a benepisio iti sidong ti agdama a linteg ken pagannurotan.
Para iti Monthly Pension Differential ken Gratuity Benefit, dagiti retirado ti DFA nga umaw-awat iti binulan a pension manipud iti GSIS ket umawat iti binulan a pension differential (MPD).
