--Ads--
Inprubaranen iti Department of Budget and Management (DBM)ti panakairuar iti P3.39 billion para iti performance-based bonus (PBB) dagiti 225,545 a kwalipikado nga opisyales ken kameng iti Philippine National Police (PNP) para iti Fiscal Year (FY) 2023.
Ti panakaipaay ti nasao a bonus ket maitunos iti direktiba ni President Ferdinand Marcos Jr. nga ad-adda pay a paregtaen ti morale ken pagsayaatan dagiti mangmangged para iti gobyerno nangruna dagiti front-liners iti law enforcement.
Sigun kenni Budget Secretary Amenah Pangandaman,ti nasao a bonus ket bassit laeng a subad iti inaldaw a panagregget dagiti kameng iti pulisya tapno ipatalged ti seguridad ti publiko.
