Kiniddaw iti United People’s Initiative (UPI) iti Korte Suprema a bilinen ni President Ferdinand Marcos Jr. a maipasidong iti hair follicle drug test ken iruar ti resulta, maipapan iti salun-atna.
Maibasar iti petision a naipila idi Abril 10, adda karbengan ti publiko a maamuan ti kasasaad iti presidente, nangruna nu makaapektar daytoy iti pagrebbenganna.
Kiniddaw metlaeng iti grupo ti regular a panangiruar iti medical bulletin nu adda kasasaad ti presidente.
Kabayatanna, pinaglibakan ni President Marcos Jr. dagiti isyu iti salun-atna ken inawaganna daytoy kas “kalokwan,” kagiddan iti panangipakitana iti pisikal a kabaelanna iti panagsangona iti media.
Nadakamat metlaeng iti petision ti mapapati a pannaka-ospital ti presidente ken dagiti statement ni Senador Imee Marcos a kabsatna, a pinaglibakan met iti Malacañang.
