Balligi ti buy-bust operation nga impatungpal ti anti-narcotics operatives idiay Viewpoint, Banaue, Ifugao idi kalman, Nobyembre 17, 2026.
Nagresulta daytoy iti pannakakumpiska iti P14,640,000 a gatad iti maatap a dried marijuana leaves ken pannakaarestar ti maysa a drug personality.
Nabigbig ti suspek a ni alias “Edmond”, agtawen iti 42, mannalon ken residente iti Liwan West, Rizal, Kalinga.

Nakumpiskar dagiti otoridad ti uppat a sako a naglaon iti mapapati a dried marijuana leaves ken fruiting tops a naikabil iti 118 bricks ken uppat a tubular form.
Kagidan dayta, naimpound metlaeng ti pickup truck a mapapati a naaramat iti panangitransport kadagiti nasao a marijuana leaves.
Balligi met ti operasyon babaen iti nagtipon a koordinasyon ti Philippine Drug Enforcement Agency (PDEA)-Cordillera Administrative Region Ifugao Provincial Office, the PDEA Region 2-Nueva Vizcaya Provincial Office, the Ifugao Police Provincial Office-Drug Enforcement Unit, ken Banaue Municipal Police Station.

Pinadayawan met dagitoy ni PDEA-CAR Regional Director Edgar T. Jubay no sadino impettengna a dakkel nga operasyon daytoy kontra iti drug trafficking rehiyon Cordillera.
Iti agdama, addan ti suspek iti kustodiya ti PDEA-CAR ken sumango daytoy iti kaso a panaglabsing iti Section 5, Article II wenno Sale of Dangerous Drugs ti Republic Act No. 9165 wenno ti Comprehensive Dangerous Drugs Act of 2002.





