BAGUIO CITY – Inlawlawag ni Atty. Elenita Julia Tabangin-Capuyan, Provincial Supervisor iti Commission on Elections – Benguet a ti nuisance candidate ket panggepna a mangipaay ti ‘confusion with the similarity of names of another candidate’ wenno daduma pay a factor a mabalin a mangiyaw-awan kadagiti botante.
Panggep pay daytoy nga agaramid ti mockery wenno disrepute iti electoral process ken awan ti panggepna nga agtaray para iti public office.
Inlawlawagna pay a ti maalana a botos ket mai-credit iti legitimate candidate.
Innayon ni Atty. Capuyan a kasapulan a mangipila ti petition nga addaan ti notice ken hearing nu panggep ti maysa a paneknekan ti panakaadda ti nuisance candidate.
Iti nasao a proseso, kasapulan a paneknekan met ti naakusaran nga indibidual a saan daytoy a nuisance candidate.
Mainaig daytoy iti maysa nga indibidual a nangipila iti Certificate of Candidacy-na nu sadino ti apelyido-na ket kapada ni Congressman Eric Go Yap.
Kinuna pay ni Atty. Capuyan a nagkiddaw ti kampo ni incumbent Congressman ti true copy iti Certificate of Candidacy daytoy ken panggepda a mangipila ti petition a mangideklara iti nasao a personalidad kas nuisance candidate.
