Agserbi kas team captain iti Team Asia ni Philippine billiards legend Efren “Bata” Reyes iti maangay nga inaugural Reyes Cup mangrugi inton October 15 agingga October 18 idiay Ninoy Aquino Stadium.
Buklen ti Team Asia ti tallo a top players manipod iti World 9-Ball Rankings ken dua nga additional wildcards a mapili paylaeng.
Karaman kadagiti immunan a napili a mangibagi iti nadakamat a team ni Singapore pool sensation Aloysius Yap, Filipino World Champion Johann Chua, ken ni Taiwanese professional player Ko Pin Yi.
Iti naangay a press conference, impeksa ni Efen ti kumpiansana a mabalin nga agballigi ti Team Asia iti tulong metlaeng dagiti napilida players manipod Singapore, Taipei,ken iti Pilipinas.
Kagiddan dayta,impeksa ti billiard legend a saanen a mabalin nga agay-ayam pay daytoy iti agdama gapu iti edadna.
