Kinarit ti Philippine Coast Guard ti maysa a barko ti China Coast Guard a masarakan iti dandani 76 nautical miles manipud Palauig Point iti baybay ti Zambales, nga adda iti uneg ti Exclusive Economic Zone (EEZ) ti Pilipinas.
Iti maysa kadagiti social media post ni PCG spokesperson Commodore Jay Tarriela, imbilinna iti Multi Role Response Vessel (MRRV-4409) BRP Cabra a kariten ti presensia dagiti barko ti China, a maitunos iti United Nations Convention on the Law of the Sea (UNCLOS).
Maipalagip a kinarit metlaeng ti Pilipinas idi 2013 ti China gapu iti panangikalinteganda a kukuada ti West Philippine Sea, ken idi tawen 2016, nagballigi ti Pilipinas iti landmark ruling babaen iti international tribunal.
Nupay kasta, nagkedked ti China a mangbigbig iti 2016 a pangngeddeng ti Permanent Court of Arbitration.
Iti agdama, dumanon iti 150 a diplomatic protests ti naipila kontra iti China seknan iti territorial dispute iti sidong ti administrasion ni President Ferdinand “Bongbong” Marcos Jr.
