BAGUIO CITY- Nagturongen sadiay Hanoi, Vietnam ti 12-man Philippine Kickboxing Team ken dagiti coaches para iti 31st Southeast Asian Games.
Kaadoan kadagiti mangbukbukel iti grupo ket kailyan manipud Cordillera.
Karaman ditoy da mixed martial artist Honorio Banario, defending champions Jean Claude Saclag ken Gina Iniong Araos.
Tarigagay met da Jomar Balangui ken Renalyn Dacquiel nga ipangato pay ti silver-medal a napangabakanda iti napalabas a torneo.
Kadwa da pay iti bunggoy da Kurt Lubrica, Carlos Alvarez, Daryl Chulipas, Emmanuel Cantores, Claudine Veloso, Zephania Ngaya, Renalyn Dacquel ken ni Gretel De Paz.
Makipaset metlaeng iti vovinam da Iniong, Ngaya, ken ni 2019 SEA Games Silver Medalist a ni Jenelyn Olsim.
Karaman met iti men’s squad da Danny Kingad, Carlo Buminaang ken ni Renato Cha Jr.
Maipalagip a ti vovinam ket Vietnamese martial art a kumbinasyon ti wrestling ken self-defense techniques.
