Nangipatulod ti Philippine Air Force (PAF) iti fighter jets idiay Australia para iti military exercise nu sadino daytoy ti kaunaan a gundaway kalpasan ti pito pulo a tawen iti pakasaritaan ti pagilian a Pilipinas.
Ti Philippine Air Force (PAF) ket nangideploy iti uppat nga aircraft a KAI FA-50PH Golden Eagle para iti manarimaan a Pitch Black 2024 Multilateral Exercise.
Panggep ti pagilian a babaen iti panakisali iti military exercise ket mapasayaat ti kapabilidad dagiti Pilipino a piloto, ground crew wenno Filipino contingent a mangdepensar iti territorial airspace.
Malaksid iti dayta, maysa met laeng daytoy nga oportunidad para iti panang-obserbar kadagiti daduma a fighter aircraft a mabalin a gatangen babaen ti MultiRole Fighter (MRF) Acquisition Program nga inaprobaran ni President Ferdinand Marcos Jr. itay laeng nabiit.
Dumanon iti dua pulo ket maysa a pagilian ti nakipaset iti nasao a military exercise nu sadino daytoy ket pakairaman ti United Kingdom, Italy, Germany, South Korea, United States, ti host a pagilian nga Australia ken daduma pay.
Para ita a tawen, agarup 200 a piloto ken personnel ti naipatulod para iti nasao nga aktibidad.
