Opisyalen a binigbig ti World Bank (WB) ti pagilian a Pilipinas kas maysa kadagiti upper-middle-income countries (UMIC) kalpasan a nalagpasan daytoy ti naituding a gross national income (GNI) per capita para iti nasao a kategorya.
Sigun iti maudi a panagadal ti World Bank ita a bulan, dumanonen iti $4,850 ti GNI per capita ti pagilian a Pilipinas, nangatngato iti $4,636 a naituding kas threshokd para kadagiti pagilian a maikonsidera kas upper-middle-income country.
Sigun iti Department of Economy, Planning, and Development (DEPDev), ti pannakabigbig ti Pilipinas iti nasao a kategorya ket bunga iti agtultuloy a panag-asenso ti ekonomiya, naurnos a panangimanehar iti macroeconomy,ken panangipatungpal kadagiti long-term reforms.
Binigbigna metlaeng ti dakkel a kontribusyon dagiti Overseas Filipino Workers (OFWs). Innayonna a panggep ti nasao nga opisina a mangaramid kadagiti de-kalidad a trabaho iti uneg ti pagilian tapno agserbi laeng nga ‘option’ ken saan nga inkapilitan ti panagtrabaho dagitoy iti dadduma a pagilian.//bombokaren.c.sapirao
