--Ads--
Nangipaay ti pagilian a Pilipinas iti donasyon para kadagiti naapektaran iti humanitarian crisis sadiay Gaza babaen iti Humanitarian Air Bridge.
Daytoy ket impakaamo ti Office of the Civil Defense.
Ti donation supplies ket buklen ti 8, 323 a bonnets; 3, 187 a pares ti gloves; ken 20 nga ules.
Ti turnover dagiti supplies ket indauloan ti Office of the Civil Defense Administrator and National Disaster Risk Reduction and Management Council Executive Director Undersecretary Ariel Nepomuceno iti NDRRMC Operations Center sadiay Camp General Emilio Aguinaldo.
Daytoy a donasyon ket kas pangsuporta kadagiti global humanitarian initiatives ken kas panakikaykaysa ti pagilian kadagiti naapektaran iti giyera.
