Imet itan dagiti otoridad ti mapapati a pedophile a ni Teddy Meijia, kalpasan a nakasanget daytoy iti pagilian ita nga aldaw, September 12, 2024.
Nakemmeg ni Mejia sadiay Dubai gapu iti kaso a Child sex trafficking.
Naakusaran daytoy kas mastermind iti likudan ti sexual trafficking ken online exploitation kadagiti agarup sangagasot a menor de edad iti sangalubungan ken sumangsango iti nagtutu-on a kaso gapu iti panangrames, online sexual exploitation kadagiti ubbing ken human trafficking.
Sigun kenni Women and Child Protection Center chief General Portia Manalad, masansan a puntiria ken i-blackmail ni Mejia dagiti ubbing nga agtawen iti siam angingga sangapulo a kanayon nga online, nu sadino itukonda ti kwarta nga agarup P500 kasukat ti ladawanda sakbay a pagbalinenda a silalamo dagiti nasao a ladawan.
Babaen iti nasao a ladawan, i-blackmail-da dagiti ubbing ken mapasamak ti pisikal a panangabuso wenno panangrames kadagitoy.
Malaksid iti dayta, alaanda pay dagiti nasao nga ubbing iti video wenno livestream ken ilakoda iti online partikualr iti tallo a channel dagitoy.
