BAGUIO CITY – Nangrugin ita a lawas ti pilot testing nga ipatpatungpal ti Philippine Standard Geographical Code Indentifier sadiay La Trinidad, Benguet kas wagas tapno maliklikan ti panagwaras ti COVID-19.
Inlawlawag ni Municipal Local Government Operation Officer Cesar Ating a maikabil ti maysa nga sticker wenno barcode kadagiti face shields nga aramaten dagiti umili tapno mabigbig dagiti barangay a nagtaudan dagitoy.
Inayonna nga agserbi daytoy kas color coding iti market schedule a nasken a suroten ken iyemplementar dagiti amin a barangay sadiay La Trinidad Benguet.
Impakaawatna a makatulong ti nasao nga sticker a mangkontrol iti iruruar dagiti umili, nalaka a mailasin dagiti bisita ken matulongan pay dagiti pulis a mangbigbig kadagiti rumbeng a masitar.
Mamati met ni Atting a saan a madagsenan ken marigatan dagiti umili ti La Trinidad gaputa alaenda laeng ti sticker iti masakupanda a barangay ken nga ikabilda laeng kadagiti face shield nga aramaten a rumuar.
Imbinglayna a manarimaan ita ti pakanagatang dagiti printing machines babaen iti P600,000 nga inlatang ti gobyerno para kadagiti sangapulo ket innem a barangay ti La Trinidad, Benguet,
