Naituding ita nga aldaw ti maikatallo ken maudi a panakaibasa ti singasing a panakailaksid dagiti senior citizen iti Number Coding Scheme ti Baguio City.
Iti panakiuman ti Bombo Radyo kenni Atty. Jose Molintas, Baguio City Councilor, naisubmitirin ti nasao a singasing para iti pinal a panakaibasana kasaruno metlaeng ti naangay a public consultation nu sadino naiyindorso daytoy kadagiti senior citizen ken daduma pay a sektor.
Inlawlawag ni Atty. Molintas nga iti bileg ti maisingsingasing nga ordinansa ket mailaksid iti number coding dagiti senior citizen, driver man wenno pasahero, manipod ken agturong kadagiti medical nga institusyon kasta met ti panagturong wenno agtaudda iti work place dagitoy.
to and from a medical institution, to and from place of work. either as the driver or as a passenger
Atty. Jose Molintas-Councilor-Baguio City
Kabaytanna, manamnama a maadal ti panakailaksid metlaeng dagiti Persons With Disability (PWD) iti Number Coding Scheme ti Baguio City.//Bombo Rob Dominguez
