Baguio City- Impetteng ni two-time One Lightweight World Champion Eduard Folayang nga awan pay ti plano daytoy nga agretiro iti lubong ti mixed martial arts kagiddan ti panawagan dagiti dadduma a supporters ken fans daytoy.
Mamati ti Cordilleran martial artist nga adda pay passion wenno ayatna iti panagay-ayam ti mixed martial arts rason nu apay nga agtaltalinaed daytoy nga aktibo iti training ken ensayo.
Kinuna pay ti Lions Nation MMA fighter a kadagiti nabatbati pay a tawen na iti combative sports ket kabaelan na pay a lumaban iti uneg ti octagon.
Nupay kasta, inkari pay ti pinoy mma legend a nu dumteng to ti gundaway a saanen daytoy a lumaban ket ipamaysana ti atensyon kas maysa a full time trainer ken coach iti martial arts.
Ni Folayang ket sigud a miembro ti Philippine National Wushu Team a nakipartisipar ken nagballigi kadagiti pasalip iti ballasiw-taaw kas iti Southeast Asian Games, Asian Games ken World Championship.
Nagbalin pay isuna kay kampeon iti Universal Reality Combat Championship (URCC) ken pioneer ken active fighter to One Championship.//Bombo Jordan Tablac
