Nangipila ti grupo ti transportasion a PISTON iti the Land Transportation Franchising and Regulatory Board (LTFRB) tapno mapalubosan a makarehistro dagiti saan a nakapag-consolidate a jeepney.
Iti maysa nga statement, kinuna ti nasao a grupo a nangipilada ti petision tapno makarehistro metten dagiti jeep a nariribuk gapu iti Public Utility Vehicle Modernization Program.
Nangrugi idi tawen 2017, ti Public Utility Vehicle Modernization Program, a maaw-awagan ita a Public Transport Modernization Program (PTMP), ket addaan panggep a masukatan dagiti jeepneys kadagiti lugan nga addaan ti Euro 4-compliant engine tapno makessayan ti polusion.
Panggepna metlaeng a masukatan dagiti units a saanen a maikari iti kalsada.
Ti maysa a modern jeepney unit ket aggatad ti P2 million, gatad a kinuna dagiti bangko a LandBank ken Development Bank of the Philippines a nangina unay para kadagiti PUV drivers ken operators.
