Nakemmeg ti pito nga indibidual a lallake agpapada a High Value Targets/ High Impact Operation babaen ti naimplementar a Search Warrant iti maysa a drug den sadiay Sitio Aguyad, Tadiangan, Tuba, Benguet.
Dagiti suspek ket nabigbig iti alyasna a “Mikael Dy Aquino/Mike Aquino”, 46-anyos, subject ti sesrch warrant a residente ti Brgy Tadiangan, Tuba, Benguet; 35-anyos a lalake residente sadiay Bgh Compound, Baguio City; 44-anyos a lalake residente sadiay Victoria Village, Baguio City; 52-anyos a lalake residente iti Brgy. Asin, Nangalisan, Tuba, Benguet; 41-anyos a lalake residente ti Tadiangan, Tuba, Benguet; 40-anyos a lalake residente Sitio Aguyad, Brgy. Tadiangan, Tuba, Benguet; ken 54-anyos a lalake reisdente sadiay Barangay Quezon Hill, Baguio City.
Bayat ti operasyon nakumpiska ti 20 a piraso ti heat sealed transparent plastic sachet a naglaon ti maatap a shabu nga adaan timbang a 14grams ken SDP a 95,200.00.
Dagiti nasao nga illegal a droga ket naibalkot iti candy wrapper a flatops bayat a dagiti daduma nga illegal a droga a nakumpiska ket naibalkot iti cotton packaging sakbay a naibalkot manen iti medyas.
Malaksid ti dayta, ket nakumpiska metlaeng ti sumagmamano a non-drug items kas iti improvised glass tooters, improvised pilot marker pen torch, improvised burner, improvised burner color amber, pakete ti transparent plastic sachet, improvised scoop plastic straw color black ken daduma pay.
Balligi ti nasao nga operasyon babaen ti panangidaulo iti PDEA CAR Baguio Benguet Provincial Office a sinuportaran ti PDEA RO – CAR RSET ALPHA; PDEA RO – CAR RSET BRAVO; PDEA CAR Abra PO; PDEA RO 1 RSET; Benguet PDEU ken Tuba MPS.
Amin dagiti suspek ket sumango ti panaglabsing ti Section , 6, 7, 11, 12 & 15 ti Article II iti RA 9165.
Dagiti suspek ket naiturung metten iti kustodiya ti PDEA-CAR. //Bombo Noveh Organo
