Imet itan dagiti kapulisan iti Baguio City dagiti pito(7) nga High Value Individual a naglabsing iti Republic Act 9165 wenno ti Comprehensive Dangerous Drugs Act of 2002.
Iti impatungpal a buy-bust operation dagiti nagtitipon a pwersa ti Baguio City Police Office-Police Station 4, Baguio-Benguet Police Office, Philippine Drug Enforcement Agency-Cordillera, ken dadduma pay a maseknan nga opisina idi August 17,naarestar dagiti akusado nu sadino, nakumpiskar kadakuada ti agarop 10.5grams iti maatap a shabu ken 100grams iti dried marijuana leaves.
Dagiti nadakamat a kontrabando ket aggatad iti pakabuklan nga PhP83,400.00.
Malaksid kadagiti kontrabando, nakumpiskar metlaeng dagiti dadduma pay a kagawaan pakairamanan ti cellphone, lighter, ken vape.
Naipasidong met itan iti kustodiya Baguio City Police Office-Police Station 4 dagiti nakumpiskar a kontrabando para iti dokumentasyon ken umno a disposisyon.
