Manamnama ti panakaiparit ti plastic labo kadagiti merkado iti siudad ti Baguio gapu ta daytoy ket maysa a kita ti plastic.
Iti interview ti Bombo Radyo kenni Daryll Kim Longid, dadaulo ti Public Order and Safety Division, kinunana a ti plastic labo ket saan a maiparit a mausar kas maibasar iti plastic ordinance iti siudad.
Nu pay kasta, impeksana a nasken a maiparit daytoy ngem rumbeng ti panangipaay ti alternatibo a banag a mausar nu sadino para kadagiti dry goods ket mausar ti paper bag bayat a kadagiti wet products ket dagiti eco bag wenno containers.
Sigun kenni Longid, manamnama ti panakaituding ti drop point ken pick up point a lugar a mabalin a pangidonaran dagiti indibidual iti containers ken eco bags a mabalin a pagalaan dagiti customer nga awan inalada a pangikargaanda iti ginatangda.
Kabayatanna, al-allukoyen ni Longid ti publiko a mabalin dagitoy nga agturong iti opisinada a mangala iti libre nga eco bag ken container bayat a kiddawna ti panakikaykaysa ti tunggal maysa iti pananggun-od iti sustainable living.//Bombo Mera Pacpacan
