BAGUIO CITY–Pormalen a na-commission kas 2nd Lieutenant dagiti nagturpos a kadete ti PMA Alagad ng Lahing Binigkis ng Tapang at Lakas wenno Alab Tala Class of 2018.
Indaulwan da Presidente Rodrigo Duterte , Defense Secretary Delfin Lorenzana ken ni AFP chief of staff General Rey Guerrero ti pana-commission dagitoy kas baro a kameng ti Armed Forces of the Philippines partikular dagiti napili dagitoy a Branch of Service.
Manipod iti 282 a pakabuklan dagiti nagturpos a kadete, 207 kadagitoy ti lallaki bayat a 75 dagiti babbae.
Kinuna ti PMA a ti bilang dagiti nagturpos a babbae ita a tawen ti kaaduan iti pakasaritaan ti akademya.
Manipod iti nasao a bilang, 143 ti sumrek iti Philippine Army, 71 iti Philippine Air Force ken 68 iti Philippine Navy.
Sigun iti akademya, dagitoy dagiti nabati iti dumanon 21,600 a nagaplikar para iti PMA Class of 2018.
