Impasigurado ti Philippine National Police (PNP) nga agtumpalda iti Department of Justice (DOJ) seknan iti pannakaiserbi ti arrest warrant nga impaulog ti International Criminal Court (ICC) kontra kenni Senador Ronald “Bato” dela Rosa.
Sigun iti PNP idi Huebes, Mayo 21, respetuenda ti justice system ken bigbigenda ti turay dagiti maseknan nga ahensia ti gobierno iti pannakaipatungpal dagiti legal orders.
Kas pannakabagi ti linteg, impetteng ti PNP a tungpalenda ti mandato dagitoy a naibasar iti linteg, due process, ken operational procedures.
Impasigurado metlaeng ti ahensiya nga agtalinaed dagitoy a patas, propesional, ken maitunos iti linteg ti aramidda nga addaan iti respeto iti konstitusional a karbengan dagiti amin a nairaman.
Kabayatanna, kuna ti DOJ a maibilang a puganti ni Senador dela Rosa.
Nagkiddaw pay ti ahensia iti red notice manipud iti Interpol mainaig iti kaso ti mammanday-linteg.
