Dandani tallo pulo nga indibidual pakairamanan dagiti police officers ti karaman iti kaso a panagkidnap kadagiti mapukpukaw a mammallot, wenno dagiti cockfight enthusiasts, sigun kenni alias “Totoy,” maysa kadagiti naaakusaran.
Panggep ti nasao nga indibidual nga inaganan dagiti mapapati a karaman nga indibidual iti affidavit-na.
Para kenni Totoy, rumbeng a maidarum metlaeng dagiti security guard iti cockpit yantangay isuda ti nangi-turn over kadagiti biktima kadagiti uniformed personnel.
Kinunana pay nga iramanna ti agtagikau ti “property” a nakaitabunan dagiti mapukpukaw a mammallot.
Idi laeng Lunes, June 23, kinuna ti Department of Justice a napagnumuanda ti panangipalista kenni Totoy iti Witness Protection Program tapno agtestigo daytoy iti korte kontra kadagiti karaman nga indibidual.
