Permanente a nai-ban dagiti politiko nga agngayngayangay iti 2025 national elections a naglabsing iti anti-campaigning iti kaleppas a Panagbenga Grand Floral Float Parade a saan dagitoyen a mabalin a makipaset kadagiti sumarsaruno pay a panakaangay iti Panagbenga Floral Float Parade, eleksyon year man wenno saan.
Daytoy ket kalpasan a nilabsingda dagiti pagannurutan iti laksid a naballaagan dagitoy a saan a mabalin a makilamano dagitoy kadagiti tattao kasta met a saanda a mabalin nga ikawes dagiti color campaign dagitoy.
Naobserbaran gamin iti naangay a floral float parade a sumagmamano kadagiti politiko ti nakipagsamano ken bimmaba kadagiti floats dagitoy ken saandan a nagturong sadiay Melvin Jones a naituding a final destination ti parada.
Maipalagip nga immunan met nga impeksa ni Andrew Pinero, spokeperson ti Baguio Flower Festival Foundation, Inc. a saanda a kayat a maaramat ti Panagbenga Festival nangruna ti Floral Float Parade kas platform iti panagkampanya.//M
