Impanamnama ni President Ferdinand Marcos Jr. a nakasagana ti agarup P65 Billion a pondo a mangsuporta iti relief efforts kalpasan ti Severe Tropical Storm Enteng.
Insagana ti gobierno ti P2.6 billion para iti food, non-food items ken P480.61 million a health logistics para iti medical services.
Inawagan pay ni President Marcos Jr. ti local government units a mangtaming iti waste management kadagiti lokalidadda kalpasan ti tropical cyclone.
Kabayatanna, agarup sangaribu nga alikamen ti naipaay iti nadumaduma a rehion para iti panakatarimaan dagiti kalsada, panakaisubli dagiti linya ti koriente ken dadduma pay.
Kinuna met ti Department of Social Welfare and Development nga agrup P16 milion ti naipaay a humanitarian assistance kadagiti agarup 300,000 nga indibidual iti walo a probinsia a naapektaran iti tropical cyclone nga Enteng.
