![](https://img.bomboradyo.com/baguio/2021/02/popcom-3.jpg)
BAGUIO CITY – Bimmaba ti populasion ti rehion Cordillera kas maibasar iti 2020 Population and Housing Census nga impatungpal ti Philippine Statistic Authority.
Iti panakiyuman ti Bombo Radyo Baguio, kinuna ni Commission on Population-Cordillera Regional Director Magdalena Abellera a dumanon iti 1.7 million ti populasion ti rehion idi 2020.
Dinakamatna a kabassitan daytoy iti entero a pagilian gaputa 1.6% laeng ti kontribusion ti Cordillera manipud iti 109 million a pakabuklan a populasion ti Pilipinas.
Inlawlawagna a maysa kadagiti rason iti panagbaba ti populasion ti Cordillera ket ti panagbaba ti growth rate ti population iti tunggal tawen.
Imbinsa ni Abellera nga 1.9% ti annual growth rate ti pagilian idi 2000 agingga 2010, bimmaba iti 1.72% idi 2010 agingga 2015 ken ad-adda pay a bimmaba iti 1.63% idi 2015 agingga 2020.
Nupay kasta, impettengna a saan latta a bimmaba ti populasion ti pagilian tunggal tawen gapu iti bilang dagiti maipaspasngay ken pumuspusay.
Iti kaudian a datus, 10 million ti nairekord a populasion ti Pilipinas idi 2010 ngem ngimmato daytoy iti nasurok 109 million idi 2020.