--Ads--
BAGUIO CITY – Natiliw ti maysa a lalaki iti naipatungpal a search warrant sadiay Betag, La Trinidad Benguet idi kalman.
Nabigbig daytoy a ni Sonny Modesto Lorenzo alyas Bogart, 33-anyos, baro, porter, tubo ti Kapangan, Benguet ken residente ti La Trinidad, Benguet.
Maibasar iti report, kabayatan iti panangipatungpal dagiti otoridad iti search warrant ket nakumpiskar kenni Lorenzo ti maysa a caliber 38 revolver nga awanan ti serial number a nakargaan ti bala.
Nadiskobre ken nakumpikar pay ti walo a pakete ti maatap a shabu nga agdagsen iti 1.5 grams.
Iti agdama ket sumangsangon daytoy iti kaso a panaglabsing iti RA 9165 wenno Comprehensive Dangerous Drugs Act of 2002 ken panaglabsing iti RA 10591 wenno Comprehensive Firearms and Ammunition Act.
