BAGUIO CITY – Nanayonan ti police visibility naideploy iti nagduduma a kalkalsada ti siudad ti Baguio.
Iti interview ti Bombo Radyo ni PMaj. Harriet Bulcio, panakangiwat ti Baguio City Police Office, malaksid iti nakadeploy a nasurok sangaribu, nanayonan ti dua pulo ket innem a personnel tunggal aldaw kadagiti strategic area nga agkasapulan ti presensya dagiti pulisya.
Kinunana pay a dagiti personnel a nainayon ket nagtaud dagitoy iti regional head quarters tapno tumulong iti programa dagitoy ken ad-adda a mapagtalinaed ti talna iti siudad.
Impaganetget ni PMaj. Bulcio a dakkel a banag ken tulong ti presensya ti pulis nangruna kadagiti agpangpanggep nga agaramid ti dakes ken maipasigurado iti publiko a natalged ti kasasaad da ditoy siudad.//Bombo Marinel Rodrigo
