Nagbiyahen ni President Ferdinand Marcos Jr. idi kalman paturong idiay Canada para iti umuna a state visit na iti nasao a pagilian.
Panggep ti panagbisita na a mangpapigsa pay iti bilaterial ties iti nagbaetan ti pagilian a Pilipinas ken Canada.
Naituding a mapatangna ni Canadian Prime Minister Mark Carney tapno mapagtatalantanan dagiti napapateg a banbanag.
Sigun iti napasamak a departure speech ti presidente idi kalman sakbay a nagbiyahe daytoy, kinunana a manamnama a matalantan ti kinapateg ti Indo-Pacific, ASEAN, ken Multilateral Cooperation.
Innayon pay daytoy a mapagtatalantananda metlaeng dagiti prayoridad ti Pilipinas, pakairamanan ti panangsigurado ti energy ken food security pakairamanan ti maritime cooperation babaen iti investments, trade, defense, ken security cooperation.
Kaduana a nagturong iti nasao a pagilian ni First Lady Liza Marcos ken sumagmamano a miyembro ti gabinete na. //bombokaren.c.sapirao
