Nakipaset ni President Ferdinand Marcos Jr. iti panakarambak ti Easter sunday wenno ti panagungar ni Hesu Kristo, tallo nga aldaw kalpasan ti ipapatayna babaen ti pannakailansa daytoy.
Nagpalagip ti Presidente kadagiti Pilipino a rumbeng a papigsaenda pay ti pammatida iti Apo a namarsua iti baet dagiti ado a karit ken pannubok iti biag ti tunggal maysa.
Sigun kenni President Marcos Jr., ti panagungar ni Hesu Kristo manipud patay ket mangiparparangarang iti panagayatna iti sangkalubongan.
Kinuna pay ni Marcos Jr. a ti Holy week ket panawen tapno lagipen ti tunggal maysa ti sakripisyo ni Hesu Kristo no sadino inkarona ti basol dagiti tattao.
Kabayatanna, aw-awagan ti Presidente ti publiko a makipaset dagitoy iti panagkararag tapno matungpal ti panggep dagitoy a Bagong Pilipinas.
