Naiwaras kadagiti nagduduma nga opisina ti local government units ti Metro Manila ti agarup 20 tonelada a nateng manipud Benguet a ginatang ni President Ferdinand Marcos, Jr. para kadagiti pamilya a agkasapulan.
Naipatulod dagiti dadduma a nateng iti City Hall ti Quezon City para kadagiti residente idiay bayat a personal met nga inawat ni Mayor Emi Calixto-Rubiano ti suplay idiay Pasay CIty para kadagiti napili a benepisyaryo.
Naiwaras met laengdagiti nateng idiay Caloocan City Hall North, Navotas Convention Center idiay Barangay Potrero Hall, Malabon.
Karaman pay kadagiti nakaawat iti suplay ti nateng ket ti Department of Social Welfare and Development – National Capital Region (DSWD – NCR) idiay Bago Bantay, Quezon City, Walang Gutom Kitchen idiay Pasay City, Delpan Sports Complex idiay Maynila, New Bilibid Prison idiay Muntinlupa, ken idiay Manila City Jail.
Sigun iti Presidential Communications Office (PCO) , panggep ti nasao a programa a matulongan dagiti mannalon kabayatan iti panangipaayda iti taraon kadagiti lugar nga agkasapulan. // bombokaren.c.s
